BAS MÚFTI JER SILKINISINEN QAITYS BOLǴAN QAZAQSTAN AZAMATTARYNA DUǴA JASADY (FOTO)

Búgin QMDB Tóraǵasy, Bas múftı Naýryzbaı qajy Taǵanuly elordada ashylǵan «ál-Fattah» meshitinde jamaǵatqa juma ýaǵyzyn aıtty.

«Musylman – musylmanǵa baýyr» taqyrybynda juma ýaǵyzyn aıtqan Bas múftı jamaǵatty jaqsylyqta jarysyp, eldiń birligin, tatýlyq, yntymaǵyn saqtaýǵa shaqyrdy. Qınalyp júrgen musylmandarǵa járdem berýdiń, eń bolmaǵanda duǵamyzǵa qosyp qoıýdyń mańyzyn tilge tıek etti.

Jamaǵatpen juma namazyn oqyǵan Naýryzbaı qajy Taǵanuly Túrkııanyń Hataı provıntsııasynda úıindi astynda qalyp, qyrshynnan qıylǵan eki qazaqstandyq – Mırbolat Qurmashev pen Ádil Qadyrbekovtiń rýhyna duǵa baǵyshtady. Marqumdarǵa Alla Taǵaladan jarylqaý tilep, jer silkinisinen zardap shekkenderge jeńildik surady.

Источник: Aidos