BAS MÚFTI JEZQAZǴANDAǴY JAŃA MEShITTIŃ AShYLÝ RÁSIMINE QATYSTY

13 qarasha 2026 372 0
Оqý rejımi

Ulytaý oblysy, Jezqazǵan qalasynda 3 myń adamǵa arnalǵan jańa meshittiń ashylý rásimi ótti. 

Saltanatty sharaǵa Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly, «Qazaqmys korporatsııasy» JShS Baıqaý keńesiniń tóraǵasy Nurmuhambet Ábdibekov, korporatsııanyń basqarma tóraǵasy Rýslan Óskenáli, oblystyq ardagerler keńesiniń tóraǵasy Tólegen Búkirov, óńirdiń qurmetti azamattary, aqsaqaldar men merdiger uıymdardyń ókilderi qatysty.

Jıynda Bas múftı oblys halqyn jańa meshittiń ashylýymen quttyqtap, meshittiń qulshylyq orny ǵana emes, qoǵamnyń rýhanı tiregi ekendigin atap ótti. 

«Meshit – musylman balasynyń Allaǵa qulshylyq etetin qasıetti mekeni ǵana emes, qoǵamnyń rýhanı tiregi, tárbıeniń tal besigi, birlik pen baýyrmaldyqtyń ordasy. 

Alla elshisi (oǵan Allanyń salaýaty men sálemi bolsyn) hadısinde: «Kimde kim Allanyń razylyǵyn kózdep meshit salsa, Alla oǵan jánnattan sondaı úı turǵyzady», – degen. Osy rette osynaý záýlim meshittiń qurylysyna atsalysqan barsha azamatqa Alla Taǵala razy bolsyn.

Jańa meshitimiz azan únimen jańǵyryp, Quran aıattarymen nurlanyp, duǵa-tilektermen kórkeıip, Ulytaý oblysyn, barsha qazaq dalasyn jaqsylyq pen berekege bóleı bersin. Osy qasıetti mekennen tálim alǵan urpaq elin súıetin, dinin qurmetteıtin, halqyna adal qyzmet etetin azamat bolyp qalyptasqaı!»,- dedi Naýryzbaı qajy Taǵanuly. 

Aıta keteıik, jańa dinı nysan «Qazaqmys korporatsııasy» JShS-niń qarjylyq qoldaýymen salynǵan. Meshittiń qurylysy 2025 jyly bastaldy. Sol jyldyń shilde aıynda Bas múftıdiń qatysýymen ǵımarattyń irgetasyna alǵashqy tas qalaý rásimi ótken bolatyn.

Meshit Jezqazǵan qalasynyń ortalyq bóliginde ornalasqan jáne eki qabatty ǵımarattyń jalpy aýmaǵy 3 800 kvadrat metrdi quraıdy. Munda qulshylyq jasaýǵa, dinı-aǵartýshylyq is-sharalar men rýhanı-mádenı kezdesýler ótkizýge barlyq qajetti jaǵdaı jasalǵan. Jańa meshitke «Ulytaý oblysynyń ortalyq meshiti» ataýy berildi.























​

Pіkіrler Kіrý