BAS MÚFTI JUMYS SAPARYMEN MYSYR ARAB RESPÝBLIKASYNA KELDI
Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jumys saparymen Mysyr Arab Respýblıkasynyń astanasy — Kaır qalasyna bardy.
Sapar aıasynda Bas múftıdi Kaır halyqaralyq áýejaıynan Mysyr Arab Respýblıkasy múftıiniń birinshi orynbasary, doktor Álı Omar myrza qarsy aldy. Kezdesý barysynda qonaqqa kórsetilgen qurmet pen iltıpattyń belgisi retinde Mysyr tarapy halyqaralyq deńgeıdegi mańyzdy forýmǵa arnaıy shaqyrýdy qabyl alǵany úshin alǵys bildirdi.
Aıta keteıik, Naýryzbaı qajy Taǵanuly Mysyr Arab Respýblıkasy Prezıdenti Ábdel Fattah as-Sısıdiń qamqorlyǵymen ótetin «Zamanaýı syn-qaterler jaǵdaıynda pátýa berý jáne adam bolmysynyń tutastyǵy» taqyrybyndaǵy halyqaralyq forýmǵa qatysyp, baıandama jasaıdy.
Sonymen qatar, jumys sapary barysynda Bas múftıdiń Mysyr jerinde bilim alyp jatqan qazaqstandyq stýdenttermen, sondaı-aq birqatar resmı tulǵalarmen kezdesýleri josparlanǵan.
