Bas múftıdiń tóraǵalyǵymen onlaın jınalys ótti (FOTO)

10 shіlde 2020 3865 0
Оqý rejımi

Búgin Qazaqstan musylmandary dinı basqarmasynyń tóraǵasy, Bas Múftı Naýryzbaı qajy Taǵanuly Ortalyq apparat jáne oblys ımamdarymen onlaın rejımde jınalys ótkizdi.

Atalǵan jıynǵa naıb múftı Ershat Ońǵarov, Apparat basshysy Ǵylymbek Májıev jáne QMDB bólim meńgerýshileri qatysty.

Onlaın májiliste negizinen segiz másele qaraldy. Bas múftı Memleket basshysy Qasym-Jomart Toqaevtyń Úndeýine qoldaý bildire kele, sol negizde jumystardyń atqarylatyndyǵyn basa aıtty. Onyń alǵashqysy, qazirgi indettiń órshýine baılanysty karantın talaptaryn saqtaý.

Osy oraıda Bas múftı búkil el bolyp 100 ret Quran Hatym duǵasyn jasaýǵa shaqyrǵan bolatyn. Sondaı-aq 13 shilde kúni Bas múftıdiń tapsyrmasy aıasynda barlyq meshitte Quran baǵyshtalyp, duǵa jasalady.

«Memleket basshysy, Bas dáriger barlyǵy sanıtarlyq talap pen jaı ǵana tártipti ustaný qajettigin basa aıtýda. Búginde búkil álemde 12 mıllıonnan asa adam osy aýrýmen kúresip jatyr. Árbir qulshylyq, ár duǵamyzda eldiń amandyǵy men álem halqynyń tynyshtyǵyn suraıyq. Eń bastysy Úndeý aıasynda ortaq tártipke baǵynsaq bul indetti de eńseremiz. Qazaqta «jaqsy sóz jarym yrym» degen. Dert dittegen jerine jetip, dúnıeni dúr silkindirip jatqanda tek jaqsylyqtyń jarshysy bolaıyq. Osynaý qıyn sátte qamqor bolýǵa shaqyramyn. Buǵan deıinde aıtqanmyn ózińizdi adam kóp jınalatyn oryndardan barynsha aýlaq ustańyz. Sonda ǵana indettiń aldyn alasyz. Osy ótpeli kezeńde aýyryp jatqandarǵa qol ushyn bersek deımin. Meniń bastamamnyń aıasynda QMDB-nyń «Zeket qory» «Ómirge úmit syıla» aktsııasyn qolǵa aldy. Osyǵan barynsha qoldaý kórsetsek» dedi QMDB Tóraǵasy Naýryzbaı qajy Taǵanuly.

Aıta keteıik «Ómirge úmit syıla» aktsııasy elimizdiń barlyq aımaǵynda uıymdastyrylmaq. Túsken qarjyǵa «Zeket» qory naýqastarǵa jeldetkish qural (IVL) áperýdi josparlap otyr. Osy rette Bas múftı atalǵan sharanyń aýqymdy ótýine oblys ımamdarynyń da kúsh salýyn atap ótti.

Naýryzbaı qajy Taǵanuly osy jıynda onlaın dáristerdiń ótý barysymen de tanysty. Sonymen qatar Dinı basqarmanyń 2020-2021 jyldarǵa arnalǵan josparyn taǵy bir naqtylady. Onyń ishinde aqparattyq jumystardyń toqtamaýyn tilge tıek etti.

Jıyn barysynda Bas múftı QMDB-ǵa qarasty medreselerdegi jańa oqý jylynyń baǵdarlamasyn qaıta qarap, «tasaýýf» pániniń saǵatyn ulǵaıtýdy tapsyrdy.

Búgingi jıynda karantın jaǵdaıyndaǵy dinı rásimderdiń oryndalý barysy da sóz boldy. Bas múftı janaza rásimderi buǵan deıingi bekitilgen ereje sheńberinde atqarylsyn dep shegelep aıtty.

«Karantın jaǵdaıyna qaramastan qaıyrymdylyq sharalary toqtamaıdy. Aımaqtardaǵy meshitke qarasty tigin tsehtaryn iske qosyp, qajetti betperdemen qamtamasyz etýdi ımamdarǵa tapsyramyn» dedi Naýryzbaı qajy Taǵanuly.

Beınekonferentsııa sońy qatysýshylardyń saýaldaryna jaýap berýmen aıaqtaldy.

Pіkіrler Kіrý