Beıbit Myrzageldıev medrese-kolledjdiń tynys-tirshiligimen tanysty (FOTO)
QMDB Dinı bilim jəne kadr daıarlaý bóliminiń meńgerýshisi Beıbit Myrzageldıev «Astana» medrese-kolledjiniń tynys-tirshiligimen tanysty, dep habarlaıdy ummet.kz tilshisi. Jaqynda ǵana jańa qyzmetke kirisken Beıbit qajy Álipbekuly alǵashqy jumysyn eńseli Elordamyzdaǵy medreseniń jaı-kúıimen tanysýdan bastady.
Eń áýeli medreseniń akt zalynda shákirttermen kezdesý ótti. Kezdesýge QMDB Dinı bilim jəne kadr daıarlaý bóliminiń meńgerýshisi Beıbit Myrzageldıev, QMDB-nyń Dinı bilim jáne kadyr daıyndaý bólimniń bas mamany Marat Jappasbaev, «Astana» medrese-kolledjiniń dırektory Ibrahım Smataev jáne ustazdar, barlyq shákirtter qatysty.
Medrese – dinı rýhanııattyń qaınary. Qazaq dalasynda qashannan beri osylaı bolyp kelgen. Aldaǵy ýaqytta da medrese ol statýsynan aıyrylmaıdy. Sondyqtan da, Qazaqstan musylmandar dinı basqarmasynyń Tóraǵasy, Bas múftı Serikbaı qajy Oraz haziret, jalpy ujym ár daıym medreseniń tynys-tirshiligin basty nazarda ustap keledi. Óıkeni, bizdiń salanayń bolashaǵy dinı oqý oryndarymen tikeleı baılanysty, - deı kelip B. Myrzageldıev shákirtterdiń jaı-kúıimen, medreseniń tártibi, oqý baǵdarlamasy qatarly mańyzdy máseleler tóńireginde oı ortaqtasyryp, dinı bilim berý isiniń odan ári jandana túsýine bar múmkindik qarastyrylatynyn jetkizdi.
Kezdesý barysynda B. Myrzageldıev jaqynda ǵana ótkizilgen Ulttyq sport túrlerinen I respýblıkalyq medresearalyq sportakııadanyń joǵary deńgeıde ótkenin tilge tıek etip, sol sharaǵa uıytqy bolǵan medrese dırektory Ibrahım qajy Smataev pen orynbasary Qanat Qalymbetovke Bas múftıdiń arnaıy alǵys hatyn tabys etti. Shákirtter men ustazdar kókeılerinde júrgen suraqtary men usynystaryn aıtyp, bólim meńgerýshisi olarǵa tushymdy jaýap berdi jáne aldaǵy ýaqytta barlyq medreselerdiń bilim sapasy, oqý baǵdarlamasyna qytsyty atqarylar is-sharalar men ıgi qadamdar jaıynda oı bólisti.
Sonymen birge, Beıbit qajy Álipbekuly medreseniń oqý ǵımaraty men jataqhanasyn tolyqtaı kózden keshirip, oqý ornynyń jalpy tynys-tirshiligimen tanysty.
