«BIR AIDA – BIR KITAP» JOBASY: «ÁZIRET» KLÝBYNDA «TABYS TEORIIaSY» TALQYLANDY (FOTO)

QMDB Astana qalasy ókildigi «Áziret Sultan» meshitinde «Bir aıda – bir kitap» jobasy aıasynda «Áziret» oqyrmandar klýbynyń músheleri kezekti rýhanı-tanymdyq basqosýǵa jınaldy.

Kezdesý barysynda «Muftiyat» baspasynan jaryq kórgen «Tabys teorııasy» kitaby keńinen talqylandy. Jıynda meshittiń naıb ımamy, dinı oqý-aǵartý baǵytynyń jaýapty mamany Qasym Mahmud kitaptyń negizgi mazmunyna toqtaldy.

Kezdesý barysynda klýb músheleri ózara pikir almasyp, týyndaǵan suraqtaryn ortaǵa saldy. Erkin formatta ótken jıyn oı bólisýge, jańa kózqaras qalyptastyrýǵa múmkindik berdi.

Basqosý qorytyndysynda oqyrmandar kelesi kezdesýde atalǵan kitaptan túıgen oı-tolǵamdaryn bólisýge ýaǵdalasty. «Bir aıda – bir kitap» jobasy aldaǵy ýaqytta da turaqty túrde jalǵasyp, jastar men jamaǵat arasynda kitap oqýdy nasıhattaýdy maqsat etedi.