QMDB tóraǵasynyń Birinshi orynbasary Halyqaralyq konferentsııaǵa qatysty (FOTO)

08 qarasha 2018 353 0
Оqý rejımi

Búgin Astana qalasyndaǵy L.N.Gýmılev atyndaǵy Eýrazııa ulttyq ýnıversıtetinde din jáne qoǵam qaıratkeri Faızolla Satybaldyulynyń 135 jyldyǵyna arnalǵan «Faızolla Satybaldyuly jáne rýhanı damý muraty» atty halyqaralyq ǵylymı-praktıkalyq konferentsııa bolyp ótti. Shyǵarmashylyq jaǵynan – halyq aqyny, dinı ustanymy jaǵynan – Ábý Hanıfa jolyn dáıekti nasıhattaýshy F.Satybaldyuly murasyna baılanysty ótken halyqaralyq basqosýǵa otandyq ǵalymdar jáne sheteldik saıası qýǵyn-súrgin taqyrybyn zertteýshi mamandar qatysyp, súbeli baıandamalar jasaldy.

Konferentsııa jumysyna QMDB tóraǵasynyń Birinshi orynbasary, naıb múftı, Astana qalasynyń jáne respýblıkalyq «Áziret Sultan» meshitiniń Bas ımamy Naýryzbaı qajy Taǵanuly da qatysyp, qazaq dalasyndaǵy alasapyran kezeńderde halyq ıgiligi jolynda janqııarlyqpen eńbek jasaǵan dindar tulǵa jaıynda taǵylymdy baıandama jasady. Esimderi elimizge belgili Qoıshyǵara Salǵara, Bolat Kómekov, Abaı Tasbolatov, Marat Ábsemetov syndy tarıhshy ǵalymdar, Seıit Qasqabasov, Qaıyrbek Kemeńger, Serikzat Dúısenǵazın, Keńshilik Tyshhan syndy ádebıetshi, dintanýshy ǵalymdar bas qosqan Halyqaralyq konferentsııa jumysyna Túrkııa eliniń irgeli oqý oryndarynyń professorlary Mýstafa Arslan, Sınan Ózbek, Ýkraına elinen Petro Tokar syndy qaıratkerler kelip qatysty. 

Konferentsııa jumysy aıasynda qaıratker shyǵarmashylyǵyna arnalǵan «Kókiregim – altyn kómbe» atty kitaptyń tusaýkeser rásimi ótkizilip, tyń týyndy oqyrmandarǵa tanystyryldy.

Troıtskide jáne Buhara shaharlarynda dinı bilim alyp, 1901 jyldan bastap Torǵaı qalasyndaǵy ýezdik meshit, medreselerde Naýan haziret, damolla Baıtý, Beıis haziret, Ospan qoja synda qaıratkerlermen birge qyzmet jasaǵan Faızolla Satybaldyuly – qazaq ádebıetiniń damýyna da zor úles sińirgen iri tulǵa. Artyna mol poEtıkalyq mura qaldyrǵan ol  arab, orys ádebıeti úlgilerinen tárjimeler jasap, halyq rýhanııatyna qajetti kóptegen shyǵarmalar qaldyrǵan. Sonymen birge, onyń Ábdiǵappar han, Keıki men Amangeldi batyrlar jaıly dastandary sol zamandaǵy tarıhı derekterge toly ekenimen erekshelenip otyr. Dindar murasyna qazirgi tańda Túrkııa dintanýshy-ǵalymdary qatty qyzyǵýshylyq tanytyp keledi.

Sýretterdi «FOTOGALEREIa» aıdarynan kóre alasyzdar!

Pіkіrler Kіrý