Birinshi naıb múftı Mańǵystaý oblysynyń ákimimen kezdesti (FOTO)

QMDB tóraǵasynyń birinshi orynbasary, naıb múftı Naýryzbaı qajy Taǵanuly Mańǵystaý oblysynyń ákimi Turymov Serikbaı Ótelgenulymen kezdesti. Kezdesý barysynda Naıb múftı oblys ákimine Bas múftıdiń sálemin jetkizip, alty jyl oblys ımamy bolyp qyzmet atqarǵan Smaıyl Seıtbekovtiń Qazaqstan musylmandary dinı basqarmasyna bólim meńgerýshisi bolyp aýysyp jatqanyn aıtty. Oblys ımamy bolyp jańadan taǵaıyndalǵan Anýar Izimbaıuly Eljanovty tanystyrdy.

Óz kezeginde oblys ákimi Smaıyl Súıerqululyna alty jyl boıy oblystyń rýhanı damýyna úles qosqany úshin jáne kóptegen sharalardy júzege asyryp, din salasynda atqarǵan qyzmetine rızashylyǵyn bildirip, aldaǵy qyzmetine sáttilik tiledi. Arnaıy alǵys hat berip, syılyq tabystady. Jańadan taǵaıyndalǵan ókil ımam Anýar Eljanovqa jańa qyzmetinde tabys tiledi.