Birinshi naıb múftı N.Ótpenov oblys ákimimen kezdesti (FOTO)

19 qarasha 2019 4423 0
Оqý rejımi

Aqtóbe oblysyndaǵy resmı issapary aıasynda QMDB tóraǵasynyń birinshi orynbasary, naıb múftı Naýryzbaı qajy Taǵanuly oblys ákimi Ońdasyn Orazalınmen kezdesti. Basqosý barysynda Aqtóbe óńirindegi din salasynda atqarylyp jatqan jumystar men josparlar jaıy talqylandy. Aımaq basshysy QMDB-nyń jáne Aqtóbe oblysyndaǵy ókildiginiń qoǵamdaǵy turaqtylyqty saqtaý, qoǵamda konfessııaaralyq kelisim men toleranttylyqty nyǵaıtý, kez kelgen túrdegi jáne kórinisterdegi dinı Ekstremızm men radıkalızm ıdeologııasyna halyqtyń ımmýnıtetin qalyptastyrý baǵytyndaǵy zor úlesteri úshin alǵysyn bildirdi.

«Imamdarǵa jalaqy tóleý máselesi jergilikti atqarýshy organdar tarapynan jáne demeýshilerdi tartý arqyly sheshimin tabýda. Jahandyq deńgeıde qalyptasqan dinı ahýalǵa baılanysty ımamdardyń qoǵamdaǵy róli jáne olardyń bedelin arttyrý baǵytyndaǵy jumystar beı-jaı qalmaı, olardy turaqty birizdendirilgen jalaqymen, qyzmettik úı-jaılarmen qamtý jáne t.b. áleýmettik qoldaýlar boıynsha óziniń tıisti jalǵasyn tabady degen úmittemin. Osy ıgi dúnıelerge qol jetkizý úshin QMDB tarapynan da zamanaýı talaptarǵa saı jaýap beretin joǵarǵy deńgeıdegi bilikti qyzmetkerlerdi daıyndaýda ózindik erekshe saıasat qalyptastyrylýy qajet dep sanaımyn», – dep atap ótti Ońdasyn Seıiluly.

Óz kezeginde Naýryzbaı Ótpenov búgingi Aqtóbede ótken III aımaqtyq ımamdar forýmynda kóterilgen máselelerdi aıtyp ótti. Jáne sharanyń ákimdik tarapynan joǵary deńgeıde uıymdastyrylǵany úshin alǵysyn bildirdi.

Pіkіrler Kіrý