«DARHAN DALA»: DIN QYZMETKERLERI ALJIR MÝZEIINE EKSKÝRSIIaǴA BARDY

17 qarasha 2026 105 0
Оqý rejımi

«Aq meshit» meshitiniń ımamy Dáýren Mýslımov bastaǵan din qyzmetkerleri «Darhan dala» jobasyna oraı Aqmol aýylyndaǵy ALJIR memorıaldyq mýzeıinde boldy.

ALJIR – 1937 jyly qurylǵan Aqmola lageriniń qysqartylǵan ataýy. Lagerdiń resmı aty «Otanyn satqandardyń áıelderiniń Aqmola lageri» bolǵanymen, bul aıyp negizsiz edi. Bul jerge áıelder óz kinási úshin emes, jaqyndaryna taǵylǵan jala saldarynan tústi.

Resmı derekter boıynsha ár jyldary lagerde 18 myńnan astam áıel tutqynda bolǵan, olardyń arasynda 62 ulttyń ókili bar edi. Tutqyndar qatarynda Turar Rysqulov, Sultanbek Qojanov, Temirbek Júrgenov, Beıimbet Maılın, Sanjar Asfendııarov sekildi qaıratkerlerdiń jubaılary da boldy.

Lager ornyndaǵy memorıaldyq mýzeı 2007 jylǵy 31 mamyrda, saıası qýǵyn-súrgin qurbandaryn eske alý kúni ashyldy. Ekspozıtsııada lagerde ustalǵan áıelderdiń qujattary, arhıv materıaldary men jeke zattary saqtaýly. Ashyq alańdaǵy keshende tutqyndarǵa arnalǵan vagon men qaraly arka tur, sondaı-aq jazyqsyz qurban bolǵandardyń esimderi jazylǵan tas eskertkish qoıylǵan.

Din qyzmetkerleri mýzeı Ekspozıtsııasymen tanysyp, lager tutqyndarynyń taǵdyry týraly málimetti tyńdady. Sapar sońynda Dáýren Mýslımov bastaǵan ımamdar jazyqsyz japa shekken jandardyń rýhyna duǵa jasady.

Pіkіrler Kіrý