«DIN SALASYNDAǴY AQPARATTYQ-TÚSINDIRÝ JUMYSTARYNYŃ QAǴIDATTARY MEN BASYMDYQTARY» ATTY SEMINAR ÓTTI (FOTO)

Astana qalasy Din isteri basqarmasynyń qoldaýymen Dinderdi zertteý ortalyǵy din salasyndaǵy aqparattyq-túsindirý tobynyń múshelerine semınar uıymdastyrdy.

Is-shara dinı Ekstremızm men terrorızmniń aldyn alýǵa, halyqtyń dinı saýattylyǵyn arttyrýǵa, Qazaqstan halqynyń dástúrleri men qundylyqtaryn nasıhattaýǵa, Ekstremıstik ıdeıalarǵa qarsy «ımmýnıtetti» nyǵaıtýǵa jáne Qazaqstan Respýblıkasynyń din salasyndaǵy zańnamasyn túsindirýge baǵyttalǵan. Semınarda áleýmettik jeliniń qateri men jastardy destrýktıvti dinı uıymdardyń qyzmetine tartýdyń aldyn alý týraly taqyryptar qozǵaldy.

Is-sharaǵa QR mádenıet jáne aqparat mınıstrligi Din isteri komıtetiniń basqarma basshysy Erdáýlet Kenjehanov, qalalyq Din isteri basqarmasynyń basshysy Nurdaýlet Álmuhanov, Astana qalasynyń bas ımamy Erbolat Nuryldauly, meshit ustazdary men ımamdary, memlekettik organdardyń, úkimettik emes uıymdardyń, qoǵamdyq keńesterdiń ókilderi, dintanýshylar men sarapshylar qatysty.