DINI BASQARMA AQTAÝDA AÝYZAShAR BERDI

Qazaqstan musylmandary dinı basqarmasynyń uıymdastyrýymen Aqtaý qalasynda «Ramazan – izgilik aıy» ataýymen rýhanı aýyzashar keshi ótti.

Igi sharaǵa Mańǵystaý oblysynyń ákiminiń orynbasary, óńirdiń zııaly qaýym ókilderi men Aqsaqaldar keńesiniń músheleri, din qyzmetkerleri, múmkindigi shekteýli jandar qatysty.

Kesh qonaqtary aldymen dinı basqarmanyń «Din men dáýir» fotokórmesin tamashalap, ıslam qundylyqtarynyń tarıhı sabaqtastyǵymen tanysty. Aýyzashar rásimi qasıetti Quran aıattaryn oqýmen bastalyp. Qazaqy dástúrmen jarapazan jyry aıtyldy.

Jıynda Qazaqstan musylmandary dinı basqarmasynyń Tóraǵasy, Bas múftı Naýryzbaı Qajy Taǵanuly sóz sóılep, el amandyǵy men tynyshtyǵyn tilep, jamaǵatqa aýyzashar batasyn berdi.

«Oraza – qulshylyqtyń eń ulysy. Kóptegen hadısterdi jetkizgen sahaba Ábý Úmáma bul jóninde: «Paıǵambarymyzdan jaqsy bir amal suradym. Ol maǵan: «Oraza usta, óıtkeni, oǵan teń keler qulshylyq joq» dedi. Men taǵy eki-úsh qaıtalap surasam da: «Oraza usta, oǵan teń keler qulshylyq joq», — degen jaýabynan tanbady», — deıdi.  

Alla Taǵala Qudsı-hadıste: «Aýzy berik adam iship-jeýin Men úshin doǵardy. Oraza – Men jáne qulymnyń arasyndaǵy ǵıbadat. Oǵan beriletin syıdy Men ǵana ólshep, Men beremin. Aýzy berik qulymnyń ashtyq pen shóldeý sebebinen shyqqan aýyz ıisi Men úshin mısk átirinen de qaıyrly», – dep súıinshi habar jetkizgen»,- dedi Bas múftı Naýryzbaı qajy Taǵanuly.

Sonymen qatar Ramazan aıynyń rýhanı mazmuny men taǵylymy týraly beınerolık usynyldy. Kesh barysynda ulttyq óner dáriptelip, kúı men terme oryndalyp, jyr-shýmaqtar oqyldy.























​