Dinı konfessııa ókilderi Elorda tórine aǵash otyrǵyzdy (FOTO)

Búgin Elorda tórindegi Tuńǵysh Prezıdent saıabaǵynda sımvolıkalyq máni bar aktsııa ótti. Nur-Sultan qalasynyń Din isteri basqarmasynyń uıymdastyrýymen barlyq dinı konfessııalardyń ókilderi jańa ómirdiń bastaýy retinde aǵash otyrǵyzdy. Bul jaıynda elorda ákimdiginiń resmı saıty habarlady.

Jyl saıyn dástúrli túrde Qazaqstan halqynyń birligi kúnine uıymdastyrylyp kelgen ıgi shara bıyl Qazaqstanda jarııalanǵan tótenshe jaǵdaı rejımine baılanysty mejelengen ýaqytta ótpeı qalǵan bolatyn. Alaıda, ıgilikti shara keshikse de jalǵasyn taýyp, barlyq dinı konfessııa ókilderi búgin Elorda tórinde birlikpen bas qosyp, aǵash otyrǵyzyp qaıtty. Sondaı-aq, el astanasyndaǵy erikti jastar da aktsııaǵa óz úlesterin qosty.

Sharaǵa qatysqan Nur-Sultan qalasynyń bas ımamy Erbolat Júsipov aktsııanyń mańyzdylyǵyn aıta otyryp, Muhammed Paıǵambardyń (s.ǵ.s) hadısin eske aldy: «Kimde-kim qolynda bir shybyǵy bolsa, Qııamet bastaldy dese de dereý shybyǵyn eksin», - degen. Hadıstiń maǵynasy ár musylman óz eliniń damýy men kórkeıýine úles qosýy tıis degendi bildiredi. Qazaqstanda ortaq maqsat – bizdiń ortaq úıimizdi damytýǵa múddeli túrli konfessııalardyń ókilderi ómir súredi», - dedi Nur-Sultannyń bas ımamy.

Sýretterdi «FOTOGALEREIa» aıdarynan kóre alasyzdar!