Dinmuhammed Smanov «Saryaǵash» medrese-kolledjiniń dırektory bolyp taǵaıyndaldy

08 shіlde 2020 373 0
Оqý rejımi

QMDB Tóraǵasy, Bas múftı Naýryzbaı qajy Taǵanulynyń buıryǵymen belgili din qyzmetkeri, RANT múshesi Smanov Dinmuhammed Ábdijapparuly «Saryaǵash» medrese-kolledjiniń dırektory qyzmetine taǵaıyndaldy.

Dinmuhammed Smanov 1985 jyldyń 19 qazanynda Túrkistan oblysy Saryaǵash aýdany Yntymaq aýylynda dúnıege keldi. 1991-2002 jyldary S.Maılyqoja atyndaǵy orta mektepte bilim aldy.

2003-2005 jyldary Almatydaǵy Sultanqorǵan meshitiniń Quran Kárim kýrsyn, 2007-2009 jyldary Saýd Arabııasynyń Arab tili ınstıtýtyn, 2009-2013 jyldary Saýd Arabııasyndaǵy «Islam» ýnıversıtetiniń Sharıǵat fakýltetin úzdik bitirdi. 2015-2017 jyldary Shet tilder jáne iskerlik karera ýnıversıtetiniń Dintaný mamandyǵy boıynsha magıstr dárejesin qorǵady.

Eńbek jolyn 2015-2017 jyldary Kókshetaýdaǵy «Naýan haziret» meshitiniń naıb ımamy bolyp bastady. 2017 jyldan elordadaǵy «Áziret Sultan» meshitiniń ustazy, 2020 jyldyń qańtarynan bastap osy meshittiń naıb ımamy qyzmetin atqardy. 

Pіkіrler Kіrý