EL EGEMENDIGI BAIaNDY BOLSYN!
Naýryzbaı qajy TAǴANULY,
QMDB Tóraǵasy, Bas múftı
Qadirli otandastar!
Barshańyzdy Allanyń halqymyzǵa násip etken nyǵmeti – Táýelsizdik kúnimen shyn júrekten quttyqtaımyn. Sizderge myqty densaýlyq, ár otbasyǵa amandyq, jumystaryńyzǵa bereke tileımin.
Egemendigimizdi baıandy etý – barshaǵa ortaq asyl is. Ár ata-ana óz urpaǵyn táýelsizdikti qasterleýge úıretse, mektep muǵalimi oqýshyny otanshyl bolýǵa baýlysa bolashaǵymyz baıandy bolmaq.
Táý eter Táýelsizdigimizdiń Táńir bergen tátti syı ekenin jáne ony saqtap qalý men qoǵam aldyndaǵy jaýapkershiligimizdi sezine túsýge tıispiz.
Qurmetti jamaǵat!
Áýeli Allanyń qalaýymen, Táýelsizdigimizdiń arqasynda meshitterimizdiń esigi aıqara ashylyp, asyl dinimizben qaıta qaýyshtyq. Qudaıǵa shúkir, joǵaltqanymyzdy jańǵyrtyp, tarıhymyzdy túgendedik.
Endeshe, biz Táýelsizdik, Otan syndy qasterli uǵymdardyń aıasynda birigip, el egemendigin nyǵaıtýǵa úles qosýymyz qajet. Óıtkeni, Quranda Allaǵa Taǵala: «Bir-birińe izgi iste kómektesińder» dep buıyrǵan.
Alla Taǵala elimizge amandyq, jerimizge tynyshtyq, halqymyzǵa aýyzbirshilik násip etkeı. Allanyń bergen syıy – Táýelsizdigimiz tuǵyrly bolǵaı. Ámın!
