ELIMIZDIŃ MEShITTERINDE 637 QARI QURAN HATYM OQÝDA (FOTO)
Qazaqstan musylmandary dinı basqarmasyna qarasty elimizdiń 565 meshitinde 637 qarı kúndelikti taraýyq namazynda Quran Kárimdi hatym etýde. Bul týraly elordada Bas múftı Naýryzbaı qajy Taǵanulynyń tóraǵalyǵymen ótken Apparat jınalysynda Quran sektorynyń meńgerýshisi Serik qarı Ahmet baıandady.
«Alla qalasa, qarılarymyz Ramazannyń 27-i kúni, ıaǵnı Qadir túninde Quran Kárimdi tolyqtaı oqyp bitirip, halyqpen birge hatym duǵasy jasalady. Sondaı-aq Quran sektory qurylǵan bir aı ishinde Almaty oblysynda tuńǵysh ret ımamdar arasynda aımaqtyq Quran baıqaýy uıymdastyryldy. Sondaı-aq Astanada erler men áıelder arasynda onlaın Quran saıysy ótti» dedi sektor meńgerýshisi.
Aıta keteıik, qazirgi tańda elimizde 2854 meshit jumys istep tur. Sonyń 565-inde taraýyq namazynda Quran Hatym jasalýda.
