ELORDA BAS IMAMY «YRYSKELDI QAJY» MEShITINDEGI TARAÝIH NAMAZYNA QATYSTY (FOTO)

QMDB Astana qalasy ókildiginiń bas ımamy Erbolat Júsipov keshe Elordadaǵy «Yryskeldi qajy» meshitin zııarat jasap, qulshylyq ordasynyń tynys-tirshiligimen tanysyp qaıtty. Taraýıh namazyna jıylǵan jamaǵatpen júzdesip, «Ibrahım» súresiniń tápsirin baıandady.

Sondaı-aq, qala bas ımamy meshit ujymymen arnaıy kezdesip, qasıetti Ramazan aıynda atqarylyp jatqan jumystarmen tanysty. Meshit bas ımamy Iahııahoja Ismaılov qasıetti Ramazan aıynda «Yryskeldi qajy» meshitinde kúndelikti 100 adamǵa tegin aýyzashar berilip, 700-ge jýyq jamaǵatpen taraýıh namazy oqylyp jatqanyn baıandady.

2018 jyly ashylǵan «Yryskeldi qajy» meshiti – Elordadaǵy ásem meshitterdiń biri. Erekshe sáýletti qulshylyq ordasyn syrtqy kórinisine oraı halyq arasynda «Allanyń gúli» dep te atap ketken. Qulshylyq ordasynyń biregeı ereksheligi – qulshylyq ordasy kún sáýlesinen Elektr Energııasyn jınaqtaıtyn taqtasha arqyly qamtamasyz etiledi.

Qazirgi tańda meshitte 150-ge jýyq shákirt dinı saýat ashyp, bilim alýda.