ELORDA BAZARLARYNDA QURBANDYQ ShALÝ RÁSIMI BASTALDY (FOTO)

Búgin Astana qalasynda tańǵy saǵat 06.00-de aıt namazy oqylyp bolysymen aldyn ala belgilengen bes bazarda qurbandyq shalý rásimi bastalyp ketti. Jaratýshy Haqtyń razylyǵyn izdegen musylman jamaǵaty osy jerden qurbandyǵyn tańdap, aıt merekesiniń negizgi mindetine kiristi.

Qazaqstan musylmandary dinı basqarmasynyń «Rabbyń úshin qurban shal!» aktsııasy da óz jumysyn bastap, qurban2023.kz saıty arqyly qashyqtyqtan tapsyrys bergen jandardyń qurbandyqtary soıylyp, etin ótinish bildirgen muqtaj jandardyń úılerine jetkizý jumystary júrgizilýde. Aıta keteıik, jetkizý jumystaryna Astana qalasy ákimdiginiń qoldaýymen 100-ge jýyq eriktiler jáne Elorda meshitteriniń jamaǵaty atsalysýda.

Qazaqstan musylmandary dinı basqarmasynyń tóraǵa orynbasary, naıb múftı Sansyzbaı Qurbanuly arnaıy bazar basyna baryp, qurbandyq shalýǵa jıylǵan jamaǵatpen júzdesti. Qasıetti Qurban aıt merekesimen quttyqtap, ulyq meıramnyń qadir-qasıetin aıtyp, jamaǵatty bul kúnderi jaǵymsyz áreketterden aýlaq bolýǵa shaqyrdy. Sondaı-aq, «Rabbyń úshin qurban shal!» aktsııasy aıasynda atqarylyp jatqan jumystarmen tanysty.

Источник: Aidos