ELORDA IMAMDARY ARASYNDA VOLEIBOLDAN SAIYS ÓTTI

Astana qalasynyń bas ımamy Nurbek qajy Áýeshanulynyń basshylyǵymen din qyzmetkerleri arasynda «Táni saýdyń – jany saý» qaǵıdasy aıasynda voleıboldan sporttyq saıys ótti.

Sporttyq dodaǵa Astana qalasy meshitteriniń ımamdarynan quralǵan komandalar qatysty. Tartysty ótken voleıbol saıysynda qatysýshylar ózderiniń sporttyq sheberlikterin kórsetip, komandalyq uıymshyldyq pen aýyzbirshiliktiń úlgisin tanytty.

Qala bas ımamy Nurbek qajy Áýeshanuly qatysýshylarǵa alǵys bildirip, is-sharanyń mańyzyna toqtaldy:

«Halqymyzda «Táni saýdyń – jany saý» degen jaqsy sóz bar. Din qyzmetkeri úshin rýhanı bilimmen qatar densaýlyqqa kóńil bólý de mańyzdy. Sport – deneni shynyqtyryp qana qoımaı, adamdy tártipke, tózimdilikke jáne uıymshyldyqqa tárbıeleıdi. Búgingi basqosýymyzdyń maqsaty da – salaýatty ómir saltyn nasıhattap, áriptester arasyndaǵy baýyrlastyq pen yntymaqtastyqty arttyrý.

Barsha qatysýshylarǵa belsendilikteri úshin alǵys aıtamyn. Árqaısyńyzǵa myqty densaýlyq, otbasylaryńyzǵa amandyq, qyzmetterińizge bereke tileımin», – dedi bas ımam.

Jarys qorytyndysy boıynsha úzdik nátıje kórsetken komandalar men belsendi qatysýshylarǵa aqshalaı syılyqtar men arnaıy medaldar tabystaldy.

Sýretterdi tolyǵyraq «FOTOGALEREIa» aıdarynan kóre alasyz!