ELORDA IMAMDARY «BABALAR IZIMEN» KITABYNYŃ MAZMUNYMEN TANYSTY (FOTO)
«Áziret Sultan» meshitinde elorda ımamdaryna QMDB Tóraǵasy, Bas múftı Naýryzbaı qajy Taǵanulynyń basshylyǵymen «Muftiyat» baspasynan jaryq kórgen «Babalar izimen: Qazaq dalasyndaǵy musylmandyq mektep» kitabynyń mazmuny men mán-mańyzy tanystyryldy.
Jıynda «Áziret Sultan» meshitiniń naıb ımamy Abdýlahad Smanov kitaptyń dástúrli ıslam qundylyqtaryn nasıhattaýdaǵy, jastardy rýhanı tárbıeleýdegi mańyzdy rólin atap ótti. Qatysýshylarǵa kitaptyń ár bóliminiń erekshelikterin túsindirip, onyń qazirgi qoǵam úshin mańyzdylyǵyn jetkizdi. Kitapta qazaq halqynyń dinı tarıhy, dástúrli ıslam tanymy, sondaı-aq din men ulttyq dástúrdiń sabaqtastyǵy jan-jaqty qarastyrylǵan.
«Babalar izimen: Qazaq dalasyndaǵy musylmandyq mektep» kitaby tek din salasynyń mamandaryna ǵana emes, jalpy oqyrman qaýymǵa arnalǵan. Kitap arqyly oqyrman dástúrli ıslamnyń qazaq qoǵamynda qalyptasý joldaryn, onyń ulttyq mádenıetpen baılanysyn jáne jastardy rýhanı tárbıeleý tásilderin jan-jaqty tanysa alady.
Источник: Aidos
