ELORDA IMAMDARY PÁTÝA BERÝ JÓNINDEGI SEMINARǴA QATYSTY (FOTO)

QMDB Astana qalasy ókildigine qarasty meshit ımamdary Pátýa berý jónindegi biliktilikti arttyrý semınaryna qatysty. Qasıetti Ramazan aıynda qulshylyq ordalaryna dinı saýalmen keletin jamaǵattyń kóp bolýyna baılanysty ótkizilgen semınar jumysyna 13 meshittiń ımamdary men ustazdary qatysty.

Semınar spıkeri retinde qala bas ımamy Erbolat Júsipov pen Astana ókildigi boıynsha pátýa jumystaryna jaýapty maman Tamırlan Ibraev shaqyrylyp, din qyzmetkerlerine atalmysh baǵyt aıasyndaǵy jumys josparyn túsindirdi. Semınarda Ramazan aıyndaǵy «Pátýa saǵaty», «Suraq-jaýap» sharalarynyń mańyzdylyǵy men tártibi aıtylyp, belsene jumys jasaýǵa shaqyrdy.