ELORDA IMAMDARYNA «IHSAN – RÝHANI TÁRBIE NEGIZI» TAQYRYBYNDA SEMINAR ÓTTI

18 qarasha 2026 307 0
Оqý rejımi

«Áziret Sultan» meshitinde Astana qalasynyń Bas ımamy Nurbek qajy Áýeshanuly bastaǵan elorda ımamdaryna «Ihsan – rýhanı tárbıe negizi» taqyrybynda semınar ótti. Semınardy QMDB Ýaǵyz-nasıhat bóliminiń meńgerýshisi Batyrjan Mansurov ustaz júrgizdi.

Jıyndy ashqan Bas ımam QMDB jumysy negizinen tórt baǵytqa basymdyq beretinin eske salyp, sonyń birinshisi – ıhsan jáne nasıhat ekenin atap ótti. Imamdardyń árbir amaly men qulshylyǵy, odan bólek árbir isi ıhsanǵa negizdelýi tıis. Ihsan tek qulshylyqpen shektelmeı, kúndelikti ómirde de kórinýi qajet ekenin jetkizdi.

«Asa Raqymdy, Erekshe Meıirimdi Allanyń atymen bastaımyn! Qurmetti búgingi semınarǵa qatysýshy elorda ımamdary, qurmetti Batyrjan Berdenuly! Jıynymyzdy Alla berekeli, bilimimizdi haıyrly etsin! Bilesizder QMDB jumysy negizinen 4 baǵytqa basymdyq beredi. Sonyń birinshisi Ihsan jáne nasıhat baǵyty. Bizdiń ár amalymyz, qulshylyq, odan bólek árbir isimiz ıhsanǵa negizdelýi tıis. Ihsan bizdiń qulshylyq amaldarymyzda ǵana emes, kúndelikti ómirimizden oryn alýy qajet. Qazirgi qoǵamǵa rýhanı tárbıe tereńinen kerek. Jastarymyzǵa nasıhat qajet. «Eskert! Óıtkeni eskertý múminderge paıda beredi» delingen qasıetti Quranda. Bizdiń maqsatymyz da sol únemi jaqsylyqqa shaqyrý, jamandyqtan tyıý. Allaǵa shúkir nasıhat jumystary meshitimizde toqtaǵan emes. Besin, sham, quptan ýaǵyzdary jáne quran aıattary bekitilgen kestesege saı qala meshitterinde tártibimen júzege asyp jatyr. Batyrjan Berdenuly qosh keldińiz. Semınarǵa tabys tileımin!», – dedi Nurbek qajy Áýeshanuly.

Semınarda Batyrjan Berdenuly ıhsannyń máni men rýhanı tárbıedegi ornyn, onyń qulshylyqta da, adamdarmen qarym-qatynasta da kórinetinin túsindirdi. Iman, ıslam jáne ıhsan uǵymdarynyń ózara baılanysyna toqtalyp, olardy tıisinshe aqıda, fıqh jáne tasaýýf ilimderi zertteıtinin aıtty. Sondaı-aq ıhsandy tek qulshylyqta emes, kúndelikti ómirde de ustaný mańyzdy ekenin atap ótti.

Pіkіrler Kіrý