ELORDA IMAMDARYNA KOLLAGENDI QOLDANÝDYŃ ÚKIMI TÚSINDIRILDI (FOTO)
Astana qalasy ókildiginiń din qyzmetkerlerimen ádettegi úrdis boıynsha QMDB Ǵulamalar keńesinde qabyldanǵan pátýalar tanystyryldy.
Qala Bas ımamy Erbolat Júsipovtiń qatysýymen ótken alqaly jıynda «Áziret Sultan» meshitiniń naıb ımamy Sharıǵat jáne pátýa bóliminiń Astana qalasy ókildigi boıynsha jaýapty mamany Tamırlan Darhanuly kollagendi qoldanýdyń úkimin tanystyrdy.
Kollagen (grek. kolla – jelim jáne gen) – dáneker ulpalaryn biriktiretin aqýyzdyń bir túri.
Qazirgi tańda kollagen kosmetıkalyq ónimder quramyna, taǵam qospalaryna t.b. qoldanylady. Kollagen janýarlardyń súıekterinen, terilerinen, sińirlerinen, balyqtyń qabyrshaǵynan, qustyń shemirshekteri men súıekterinen t.b. alynady.
Sheshim: Eti jelinetin, sharıǵatqa saı baýyzdalǵan mal jáne balyqtan alynǵan kollagendi qoldanýǵa – ruqsat. Shoshqadan alynǵan kollagen – haram. Eti jelinbeıtin janýardan nemese sharıǵatqa saı baýyzdalmaǵan eti jelinetin maldan alynǵan kollagendi qoldanýǵa bolmaıdy. Tek hımııalyq qurylymy ózgerip, basqa nársege aınalsa nemese bolmysy tolyqtaı joıylsa ǵana ruqsat.
