Elorda kúnine oraı 100 otbasyǵa azyq-túlik taratyldy (FOTO+VIDEO)

05 shіlde 2020 533 0
Оqý rejımi

Osydan segiz jyl buryn jamaǵatqa esigi aıqara ashylǵan «Áziret Sultan» meshitiniń bıylǵy mereıtoıy 100 otbasyǵa járdem qolyn sozǵan qaıyrymdylyq sharasymen órnekteldi. Elorda kúni merekesi aıasynda ótkizilgen ıgi sharaǵa QMDB tóraǵasy, Bas múftı Naýryzbaı qajy Taǵanuly ózi qatysyp, «Qaıyrymdylyq kerýenin» aq batasymen shyǵaryp saldy.

Aıta keteıik, «Qaıyrymdylyq kerýeni» jobasy osydan birer jyl buryn Bas meshitten bastaý alyp, alǵashqy saparyn da Naýryzbaı qajy Taǵanulynyń batasymen bastaǵan bolatyn. Sodan beri sapary úzilmegen «Qaıyrymdylyq kerýeniniń» qyzmeti karantın rejımi tusynda tipten jandanyp keledi. Osy maqsatta Nur-Sultan ókildigi janynan qurylǵan «Sharapat» eriktiler tobynyń búginge deıin atqarǵan jumystary da birshama.

Mereke qarsańyndaǵy meıirim shýaǵyn muqtaj jandarǵa jetkizýge de «Sharapat» eriktiler toby belsene atsalysyp, Elordamyzdaǵy 100 otbasyǵa azyq-túlik qoryn úılerine aparyp berdi.

Sýretterdi «FOTOGALEREIa» aıdarynan kóre alasyzdar!

 

 

 

Pіkіrler Kіrý