Elorda meshitteri arasynda ulttyq sport túrlerinen saıys ótti (FOTO)

Búgin QMDB Nur-Sultan qalasy ókildigine qarasty meshit jamaǵattary arasynda «Salaýatty jamaǵat» atty ulttyq sport oıyndary boıynsha saıys ótti. «Sheıh Kýnta qajy» meshitiniń uıytqy bolýymen ótken saıysta qaladaǵy 12 meshit jamaǵaty «Sadaq atý», «gir kóterý», «arqan tartys», «qol kúres», «asyq atý» oıyndary boıynsha baq synasty.

QMDB jarııalaǵan «Islam – yntymaq pen birlik jyly» aıasynda jamaǵat arasyndaǵy baýyrmaldyqty kúsheıtip, din men dástúr sabaqtastyǵyn arttyrýǵa baǵyttalǵan «Salaýatty jamaǵat» saıysy buǵan deıin birneshe márte uıymdastyrylǵan bolatyn. Bir-birimen tanys bolyp qalǵan qatysýshylar da jamaǵat arasyndaǵy jarasymdylyqtyń úlgisin kórsetti. Jamaǵatqa jankúıer bolyp, qoldaý kórsetýge qala bas ımamy Erbolat Júsipov bastaǵan dinı qyzmetkerler qaýymy da túgeldeı qatysyp, erekshe saıys boldy.

Saıys sońynda ár sport túri boıynsha júldegerlerge arnaıy «Alǵys hat» tabystalyp, estelik syılyqtarmen marapattaldy. Sondaı-aq, komandalardyń jalpy kórsetkishteri esepke alynyp, júldeli oryndar berildi.

Saıystyń III oryn tuǵyryna «Áljan ana» meshitiniń «Áljan ana» komandasy laıyq dep tanyldy. II orynǵa «Ǵylmanı» meshitiniń «Qara shańyraq» komandasy kóterilse, «Áziret Sultan» meshitiniń «Sultan» komandasy jalpy esepte I oryndy ıelendi.

Sýretterdi «FOTOGALEREIa» aıdarynan kóre alasyzdar!