ELORDA MEShITTERI «TABIǴATTY AIaLAIYQ!» ATTY MEIIRIMDILIK AKTsIIaSYN BASTADY (FOTO)
QMDB Astana qalasy ókildigi búgin «Tabıǵatty aıalaıyq!» atty meıirimidilik aktsııasyn bastady. Ókildikke qarasty meshitterdegi Jastar isi sektorynyń jumysyna jaýapty qyzmetkerlerdiń uıytqy bolýymen búgin meıirimdilik sharasynyń alǵashqy qadamy jasalyp, qala bas ımamy Erbolat Júsipov ózi qatysty.
«Islam jáne izgi qoǵam» jyly aıasynda uıymdastyrylyp otyrǵan meıirimdilik aktsııasynyń maqsaty – meshit shákirtteri men jastardy qorshaǵan ortaǵa, tabıǵat pen janýarlar álemine meıirim kózimen qarap, kútip-saqtaýǵa baýlý. Aldaǵy ýaqytta aktsııa aýqymy keńeıip, qaladaǵy ár meshit boıynsha meıirimdilik sharasy túrli baǵytta damı túspek.
«Áziret Sultan» meshitinen attanǵan arnaıy top aktsııanyń alǵashqy qadamyn aldymen Esil ózeni boıyndaǵy úırekter men kógershinderge jem berýden bastady. Budan soń «Balqaraǵaı» demalys ortalyǵyndaǵy qaıyń ormanynyń jaǵdaıyna qanyǵyp, sol jerdegi zoobaq janýarlarymen tanysty. Zoobaqtaǵy keıbir sırek kezdesetin ań túrleri men qustarǵa arnaıy jemderin tabystap, ortalyq basshylyǵymen suhbattasyp qaıtty.
Источник: Aidos
