Elorda meshitteri tórt jarym myń otbasyǵa et taratty (FOTO)

13 tamyz 2019 215 0
Оqý rejımi

Qasıetti Qurban aıt merekesine oraı Elorda meshitteri arasynda uıymdastyrylǵan «Rabbyń úshin qurban shal!» qaıyrymdylyq aktsııasy aıasynda aıt kúnderi Nur-Sultan qalasyndaǵy 4420 otbasyǵa et taratylyp, kómek kórsetildi. Aıt namazy oqylyp bolysymen «Altyn taǵa» mal bazarynda qurbandyq shalý rásimi bastalyp, qurbandyq etterin taratý jumystaryna jalǵasqan bolatyn.

QMDB Nur-Sultan qalasy ókildigine qarasty 11 meshitti túgel qamtyǵan «Rabbyń úshin qurban shal!» aktsııasy aıasynda 60 iri qara qurbandyq shalyndy. Budan bólek, qala turǵyndarynyń meshitterge ákelip ótkizgen qurbandyq etterinen esebinen jalpy esebi 28 tonna et jınalyp, 4420 otbasyǵa úlestirildi. Qasıetti Quran Kárimniń «Haj» súresiniń 28-aıatynda «Odan ózderiń de jeńder jáne muqtaj, paqyrlarǵa da jegizińder» dep aıtylǵandaı, aıt kúnderi elimiz boıynsha qanshama muqtaj otbasynyń qazany burqyldap, qaıyrymdylyq shýaǵyna bólene túsedi. Qasıetti merekeniń shynaıy sharapaty, qaıyrymdylyq qasıeti osy bolsa kerek!

Qaıyrymdylyq sharasy aıasynda qurbandyq etteri Elordamyzdaǵy turmysy tómen, kópbalaly, asyraýshysynan aıyrylǵan otbasylarǵa, arnaıy tirkeýde turǵan múgedek jandarǵa, t.b. túrli áleýmettik top ókilderine taratyldy.

Sondaı-aq, mereke kúnderi ókildik tapsyrmasy negizinde qulshylyq ordalarynda turli mádenı issharalar uıymdastyryldy. Aıt merekesiniń ekinshi, úshinshi kúnderi «Balalar úıi» men «Qarttar úıin» arnaıy zııarat etip, meshit qyzmetkerleri merekemen quttyqtap qaıtty. Sapar barysynda qarttar men balalarǵa túrli syılyqtar tartý etilip, merekelik dastarhan jaıyldy.

Qurban aıt merekesinde qaıyrymdylyq sharasyna qulshylyq ordalarynyń úlesi:

«Áziret Sultan» meshiti - 1540
«Nur Astana» meshiti - 1030
«Ǵylmanı» meshiti - 830
«Yryskeldi qajy» meshiti - 160
«Aq meshit» - 150
«Əljan ana» meshiti - 70
«Ás Salam» meshiti - 110
«Tólebaı» meshiti - 195
«Raısa ana» meshiti - 195
«Ál Ǵanı» - 90
«Sheıh Kýnta qajy» meshiti - 160

 

Pіkіrler Kіrý