Elorda meshitterinde «Imanı jaz – 2026» jazǵy saýat ashý kýrsy bastaldy

Astana qalasy ókildigine qarasty meshitterde balalarǵa arnalǵan «Imanı jaz – 2026» jazǵy saýat ashý kýrsy óz jumysyn bastady.

Jazǵy saýat ashý kýrsynyń resmı ashylý saltanaty «Áziret Sultan» meshitinde ótip, oǵan Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly qatysty. Sonymen qatar ıgi bastama Astana qalasynyń bas ımamy Nurbek Áýeshanuly bastaǵan elordalyq din qyzmetkerleriniń uıymdastyrýymen qala meshitterinde qatar júzege asyryldy.

Jıyrma kúnge josparlanǵan kýrs barysynda balalarǵa Quran álippesi, ımandylyq negizderi, kórkem minez ben ádep qaǵıdalary úıretiledi. Sonymen qatar shákirtterdiń jas erekshelikterine saı rýhanı-tanymdyq jáne tárbıelik sabaqtar ótkiziledi.

Baǵdarlama aıasynda qazaq halqynyń salt-dástúrleri, úlkendi qurmetteý, kishige izet kórsetý, otansúıgishtik, jaýapkershilik jáne ulttyq qundylyqtar taqyryptary qamtylyp, din men dástúr sabaqtastyǵy keńinen nasıhattalady.

«Imanı jaz» kýrsynyń negizgi maqsaty – jas urpaqtyń jazǵy demalysyn tıimdi uıymdastyrý, olardyń dinı saýatyn arttyrý jáne ulttyq tárbıeni dáripteý. Sondaı-aq shákirtterdiń rýhanı dúnıesin baıytyp, izgilikke, bilimge jáne adamgershilikke baýlý kózdelgen.

Источник: Aisha