ELORDA MEShITTERINIŃ ÁIEL ShÁKIRTTERI ARASYNDA RAMAZANǴA QATYSTY BILIM SAIYSY ÓTTI (FOTO)

QMDB Astana qalasy ókildigi Áıel qyzdar sektoryna qarasty «Sádýaqas qajy Ǵylmanı» meshitiniń jáne «Raqymqyzy Raısa ana» meshitine qarasty «Raısa ana» qyz kelinshekter mektebiniń uıymdastyrýymen «RAMAZAN – RÝHANI AZYQ» atty ıntellektýaldy bilim saıysy ótti. Elorda meshitteriniń áıel shákirtteri qatysqan bul sharada «Yryskeldi qajy» meshitiniń bas ımamy Iahııa qajy Ismaılov alǵy sóz sóılep, qatysýshylarǵa izgi tilegin bildirdi. QMDB Áıel-qyzdar sektorynyń Astana ókildigi boıynsha jetekshisi Zarına Shamıdýllaqyzy sóz alyp, qasıetti aıda ótip jatqan bul sharanyń mańyzyn atap ótti. «Ramazan aıy jáne áıelderge tán máseleler» kitaby boıynsha ótken saıysqa shákirtterden quralǵan 6 komanda qatysty. Saıysqa «Astana» qyzdar medresesiniń ustazdary qazylyq jasap, ádil sheshimin shyǵarýǵa tyrysty.

Saıys túrli deńgeıdegi 5 kezeńnen quraldy.

Jarys nátıjesi boıynsha 3-oryndy Respýblıkalyq Bas meshittiń shákirtterinen qurylǵan  «Raııan» toby ıelense, «Raqymqyzy Raısa ana» meshitiniń shákirtterinen quralǵan «Fırdaýs gúlderi» toby azdaǵan basymdyqpen 2-orynǵa jaıǵasty. Al bas júldeni «Áziret Sultan» meshitine qarasty «Inabat» qyz-kelinshekter klýbynyń atynan shyqqan «Inabat» toby qanjyǵasyna baılady. Jeńimpaz komandalardyń barlyǵyna baǵaly syılyqtar berilip, arnaıy dıplommen marapattaldy. Sondaı-aq, bilim saıysyna qatysqan basqa komandalarǵa da yntalandyrý syılyǵy berildi.
Sýretter toptamasyn FOTOGALEREIa aıdarynan kóre alasyzdar!

Источник: Aidos