ELORDA MEShITTERINIŃ RAMAZANǴA DAIYNDYǴY PYSYQTALDY (FOTO)

Astana qalasynyń bas ımamy Erbolat Júsipovtyń basshylyǵymen Respýblıkalyq Bas meshitte ókildikke qarasty meshit ımamdarynyń jıyny ótti.

Basqosý barysynda qasıetti Ramazan aıyna daıyndyq jumystary pysyqtalyp, qala ımamdaryna naqty tapsyrmalar júkteldi.

Bas ımam qaladaǵy qulshylyq ordalarynyń Ramazanǵa daıyndyq jumystarymen jekeleı tanysyp, saýapty da jaýapty merzimge saqadaı saı bolýyn tapsyrdy. Kún tártibindegi árbir másele boıynsha jalpy jospar qurylyp, jaýapty qyzmetkerler bekitildi.

Taraýıh namazdarynyń tártibi men qarılar daıyndyǵy, aı boıy uıymdastyrylatyn aýyzashar dastarhandarynyń ázirligi pysyqtalyp, qasıetti aıda qaıyrymdylyq sharalaryn da jandandyra túsýge shaqyrdy. Halyqtyń orazaǵa degen nıetin oıatyp, yqylasyn arttyra túsý maqsatynda aqparattyq kitapshalar men búktemeler, oraza kestelerin ázirleý tapsyryldy.

Aıta keteıik, qasıetti Ramazan aıy bıylǵy jyly 19 aqpanda bastalady. Al naýryz aıynyń 16-nan 17-ne qaraǵan tún – qasıetti Qadir túni. 20 naýryz – oraza aıt merekesi.

Sýretterdi «FOTOGALEREIa» aıdarynan kóre alasyz!

Источник: Aisha