Elorda qajylary elge oralýda (FOTO+VIDEO)

Qasıetti qajylyq maýsymy aıaqtalyp, ısi musylman balasyna buıyrylǵan bes paryzdyń birin oryndap qaıtqan otandastarymyz elge oralý ústinde. Qasıetti mekenge elimiz boıynsha tórt qaladan tikeleı reıspen attanǵan jerlesterimizdiń aldy ulyq sapardy aıaqtap, týǵan jerge aıaq basyp úlgerdi.

Ushyp-qoný reısterine oraı qajylar legi áli de jalǵasý ústinde. Ár kún saıyn áýejaı ishinde qajylarymyzdy qarsy alý sharasy ótip, qaýyshqan qushaqtar men saǵynǵan júrekter soǵysy, qajylarymyzdyń aq batasy men ystyq estelikteri oryn alyp keledi.

Elimizdiń bas shaharyndaǵy Nazarbaev halyqaralyq áýejaıy da osyndaı júrek terbeter jarqyn sátterdiń ortasyna aınalyp, elordalyq qajylarymyzdy qushaq jaıa qarsy aldy. Respýblıkalyq «Áziret Sultan» meshitiniń resmı portaly Muslim.kz ujymy da qasıetti sapardan oralǵan qajylarymyzdy kútip alyp, batasyna ıe boldy.

Sýretter toptamasyn «FOTOGALEREIa» aıdarynan kóre alasyzdar!