Elorda qajylaryna arnalǵan daıyndyq dáristeri bastaldy (FOTO)

Búgin respýblıkalyq «Áziret Sultan» meshitinde Nur-Sultan qalasynyń qajylaryna arnalǵan daıyndyq dáristeri bastaldy. Nur-Sultan qalasy ókildiginiń uıymdastyrýymen ótip jatqan dáristiń negizgi maqsaty – bes paryzdyń birin óteýge nıet etken elordalyq jamaǵatqa qajylyq ǵıbadatynyń qyr-syryn úıretip, qasıetti mekendegi saparlarynyń saýapqa toly ótýine septigin tıgizý.

Osy oraıda uıymdastyrylǵan daıyndyq dáristeriniń alǵashqy sabaǵyn ótkizgen «Áziret Sultan» meshitiniń naıb ımamy Baqytjan Ótkelbaev búgin jamaǵatqa jalpy qajylyq ǵıbadaty men onyń sharttary jóninde, qajylyq paryzdary týrasynda túsinikteme berip, qajetti aqparattarǵa qanyqtyrdy. Arnaıy bekitilgen keste boıynsha bolashaq qajylarǵa búgin birden ekinshi dáris ótkizilip, «Áljan» meshitiniń bas ımamy Serikbaı Ádilhan «Tálbııa, Mıqattar, Ihram» uǵymdaryn keńinen túsindirip ótti. Dáris barysynda qatysýshylarǵa arnaıy vıdeo sabaqtar usynylyp, kórnekilik quraldarmen áserlene tústi. Qos sabaqtyń da sońy jamaǵattyń suraqtarymen jalǵasyp, qajylyq ǵıbadatynyń qyr-syry egjeı-tegjeıli baıandaldy.

Aıta keteıik, qajylyq saparyna daıyndyq dáristeri 18-shildege deıin jalǵasatyn bolmaq. Dárister taqyrybyn myna siltemeden kórýge bolady.