ELORDADA ADAL QOǴAM QUNDYLYQTARYNA ARNALǴAN FORÝM ÓTÝDE
Búgin Elordadaǵy «Nur-Sultan» meshitinde «Islam jáne adal qoǵam» jyly aıasynda «Adal qoǵam: bilim, rýhanı tárbıe jáne jaýapkershilik» atty din qyzmetkerlerine arnalǵan respýblıkalyq forýmy ótýde.
Sharaǵa QMDB Tóraǵasy, Bas múftı Naýryzbaı qajy Taǵanuly, Mádenıet jáne aqparat vıtse-mınıstri Rýstam Álıuly, Ardagerler keńesiniń tóraǵasy Ábilǵazy Qusaıynov, memleket jáne qoǵam qaıratkerleri, zııaly qaýym ókilderi, QMDB Aqsaqaldar, Sarapshylar, Jastar keńesiniń músheleri, Múftııat qyzmetkerleri, oblys Bas ımamdary men medrese-kolledj, quran jattaý ortalyqtarynyń dırektorlary qatysýda.
Sondaı-aq, qashyqtyqtan 19 ókildikten ımamdar, áıel-qyzdar sektorynyń oblystardaǵy jaýapty jetekshileri, 9 medrese-kolledj ustazdary men shákirtteri jalpy 660 adam qosyldy.
Forým plenarlyq otyrystan bastalyp, aldymen vıtse-mınıstr Rýstam Álıuly Mádenıet jáne aqparat mınıstri Arman Orazbaıulynyń sálemin jetkizip, quttyqtaýyn oqydy.
Osydan soń, Bas múftı Naýryzbaı qajy Taǵanuly «Adal qoǵam» taqyryby aıasynda mazmundy baıandama jasady.
«Qoǵamnyń jan jaqty damýy men rýhanı turǵydan kemeldenýi adaldyq qaǵıdasymen tyǵyz baılanysty. Adaldyq – Islam dinindegi eń mańyzdy adamgershilik qundylyqtardyń biri jáne pendeniń rýhanı kemeldenýine, qoǵamnyń turaqty damýyna jol ashatyn uly qasıet. Sondyqtan adal qoǵam qalyptastyrý eń aldymen rýhanı qundylyqtarǵa negizdelýi tıis.
Adaldyq – adamnyń ar aldyndaǵy eń úlken jaýapkershiligi. Bul qasıet áýeli nıetten bastalady. Sondyqtan adaldyq joǵalǵan jerde senim joǵalady, senim joǵalǵan jerde qoǵamnyń tutastyǵy álsireıdi. Qazirgi zamanda búkil adamzat aldynda turǵan ózekti máselelerdiń biri – ádiletsizdikpen kúresip, adal qoǵam qurý.
Ózderińiz jaqsy bilesizder, Qazaqstan musylmandary dinı basqarmasy bıylǵy jyl ataýyn dinı qyzmet aıasynda «Islam jáne adal qoǵam» jyly dep jarııalady. Osy bastama aıasynda elimiz boıynsha birqatar aýqymdy is-sharalar júzege asyp keledi. Búgingi basqosý osy baǵyttaǵy ıgi jumystardyń jalǵasy», - dedi QMDB Tóraǵasy.
Aıta keteıik, búgingi forým aıasynda 1 ádistemelik nusqaýlyq tanystyrylyp, 3 birdeı qujat qabyldanyp, birneshe kitaptyń tanystyrylymy ótedi dep josparlanǵan.














Источник: Aisha