Elordada boı kóteretin jańa meshittiń qurylys jobasy talqylandy (FOTO)

Naýryz aıynda Qazaqstan Respýblıkasynyń tuńǵysh prezıdenti N.Á.Nazarbaev ózi qolymen alǵashqy tasyn qalaǵan alyp qulshylyq ordasynyń qurylys jumysy qazirgi tańda qarqyndy júrgizilý ústinde. Jospar boıynsha, qazaq jurtynyń Bas rýhanı ordasyn turǵyzýǵa jalpy aýmaǵy 9,4 gektar jer bólinip, bir mezette 30 000 jan qulshylyq óteı alatyn bolmaq.

Búgin QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanulynyń qatysýymen Jańa meshitti jobalaý tobynyń otyrysy bolyp ótti. Qulshylyq ordasynyń qurylysyna jaýapty «Sembol» kompanııasynyń joba úılestirýshisi Ahmet Oral Tezjan, keńse basshysy Aıshegúl Erın, keńse sáýletshisi Fıdan Jelenler bas qosqan otyrys barysynda Naýryzbaı qajy Taǵanulyna jalpy meshit jobasyn tanystyryp, birqatar mańyzdy máseleler boıynsha pikir almasty.

Tórt maýsymdy túgel ótkeretin qazaq dalasyndaǵy tabıǵat erekshelikteriniń ǵımarat sánine tıgizetin túrli áserleri aıtylyp, osy kezge deıin boı kótergen qulshylyq ordalarynyń artyq tustary men kemshilikteri de eskerildi.