ELORDADA IMAMDARDYŃ BILIMIN ARTTYRÝ SEMINARY UIYMDASTYRYLDY (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen elordadaǵy «Astana medrese-kolledji» ǵımaratynda ımamdardyń bilimin arttyrý semınary ótti.
Semınarǵa QMDB Tóraǵasynyń orynbasary, naıb múftı Kenjetaı Dúısenbaı, QMDB Strategııalyq taldaý jáne damý bóliminiń meńgerýshisi Smaıyl Seıtbekov, Dinı bilim jáne kadr daıyndaý bóliminiń meńgerýshisi Hasan Amanqulov, Ýaǵyz-nasıhat bóliminiń meńgerýshisi Batyrjan Mansurov, Din men dástúr bóliminiń meńgerýshisi Nurbek Esmaǵanbet qatysyp, aldyn ala bekitilgen taqyryptar boıynsha din qyzmetkerlerine dáris oqydy.
Imamdardyń bilimin arttyrýǵa arnalǵan mundaı semınarlar – QMDB Tóraǵasy, Bas múftı Naýryzbaı qajy Taǵanulynyń basshylyǵymen jyl saıyn ótip kele jatqan ıgi dástúrdiń jalǵasy. Bul bastama din qyzmetkerleriniń zamanaýı talaptarǵa saı jumys isteýine, bilimin úzdiksiz tolyqtyryp otyrýyna zor múmkindik beredi.
Источник: Aidos
