ELORDADA OTBASY KÚNINE ORAI RÝHANI-MEREKELIK ShARA ÓTTI (FOTO)

Keshe, qasıetti juma keshinde QMDB Astana qalasy ókildiginiń uıymdastyrýymen «Baqytty otbasy – izgi qoǵam tiregi» atty jas otbasylarǵa arnalǵan rýhanı-merekelik shara ótti. Otbasy kúnine oraı uıymdastyrylǵan sharaǵa jaqynda ǵana nekesin qıyp, jańa ómirge qadam basqan jas otbasylar shaqyrylyp, januıa jarasymy jaıynda paıdaly nasıhat aıtyldy.

Semınar aıasynda Astana qalasy Din isteri basqarmasynyń basshysy Nurdáýlet Imanáliuly, QMDB Qoǵammen baılanys bóliminiń meńgerýshisi Nurbek qajy Áýeshanuly, Astana qalasynyń bas ımamy Erbolat Nuryldauly izgi lebizderin bildirip, baqytty otbasy qurýdyń basty qaǵıdalary jaıly bilgenderimen bólisti.

Semınar sońy merekelik sharaǵa ulasyp, qazaq shańyraǵyndaǵy qýanyshtardyń biri – sábıge azan shaqyrý men tusaýkeser dástúrleri jańǵyrdy. Din men dástúr sabaqtastyǵy ulyqtalǵan keshte balaqaıdyń tusaýyn kesken «Kýnta qajy» meshitiniń bas ımamy Ómirzaq Qazkenulyna da ata-anasy qurmetpen shapan jaýyp, aqsaqaldyń aq batasyn aldy.

Shara sońynda qatysýshylar arasynda vıktorınalyq suraqtar qoıylyp, jaýabyn durys tapqan 10 otbasyǵa syılyqtar taratyldy.

Sýretter toptamasyn «FOTOGALEREIa» aıdarynan kóre alasyzdar!