ELORDADA QURAN USTAZDARYNA BIR KÚNDIK SEMINAR ÓTTI (FOTO)
Qazaqstan musylmandary dinı basqarmasy Astana qalasy ókildiginiń uıymdastyrýymen «Áziret Sultan» meshitinde Quran ustazdaryna bir kúndik oqý semınary ótti.
Semınardyń maqsaty – qala meshitterinde qyzmet atqaryp júrgen Quran ustazdarynyń tájirıbesin arttyrý, oqý-ádistemelik baǵyttaǵy biliktiligin jetildirý jáne birizdi oqý baǵdarlamasyn qalyptastyrý.
Baǵdarlama aıasynda «Áziret Sultan» meshitiniń qos naıb ımamy Abdýlahad Smanov pen Mahmud Qasym tarapynan ustazdarǵa Quran ilimin oqytýdaǵy tıimdi tásilder, tájýıd erejelerin túsindirýdiń ádisteri, balalarmen jáne eresektermen jumys isteý erekshelikteri jóninde tájirıbelik sabaqtar ótkizildi. Sonymen qatar qatysýshylar arasynda pikir almasý ótip, ustazdar óz tájirıbelerimen bólisti.
Semınar barysynda qatysýshylarǵa arnaıy daıyndalǵan «Quran jattaýdyń 10 jeńil ádisi» atty aqparattyq paraqshalar taratyldy. Onda Qurandy tıimdi este saqtaýdyń tájirıbelik tásilderi, kúndelikti ýaqytty durys josparlaý, motıvatsııany saqtaý jáne jattaý barysynda turaqtylyqty arttyrý joldary qamtylǵan. Bul materıal ustazdar men shákirtterge jattaý úderisin jeńildetýge baǵyttalǵan paıdaly nusqaýlyq retinde usynyldy.
Quran – musylmannyń ómirlik baǵyt-baǵdary men rýhanı tiregi. Ol adam balasyn izgilikke, ádildikke jáne Allany tanýǵa jeteleıdi. Qurandy oqý – tek saýap qana emes, júrekke tynyshtyq syılaıtyn, minez-qulyqty túzeı alatyn uly amal. Musylman adam ómiriniń barlyq salasynda, otbasynan bastap qoǵamǵa deıingi qarym-qatynastarynda Quran salıqaly ómir súrýge orasan zor úlesin tıgizedi.
Источник: Aidos
