ELORDADA QYZ-KELINShEKTER ARASYNDA «IaSIN» SÚRESIN JATQA OQÝDAN JARYS ÓTTI (FOTO)

Qasıetti Ramazan aıynda Astana qalasynda «Kýnta qajy» meshitiniń uıymdastyrýymen Elordadaǵy meshitterdiń áıel shákirtteriniń arasynda  «Iasın» súresin jatqa oqýdan jarys ótti.

«Áljan ana» meshitinde ótken Quran  jarysyn «Kýnta qajy» meshitiniń bas ımamy Ómirzaq Qazkenuly sóz sóılep ashyp berdi. Ol óz sózinde Allanyń sózi – Quran Kárimniń qadir-qasıeti, ony oqý men jattaýdyń, eń bastysy, Uly Kitapta kelgen buıryqtardy múltiksiz oryndaýdyń artyqshylyqtaryn aıtty. Sonymen qatar, jarysqa qatysýshy shákirtterge sáttilik tiledi.   Sondaı-aq, meshit ustazy Laýra Arystanbekqyzy sóz alyp, búgingi keshtiń bir maqsaty meshitten turaqty túrde bilim alyp jatqan shákirtterdiń dárejesin kóterip, Quranǵa qyzyǵýshylyqtaryn arttyrý ekenin atap ótti.

Quran baıqaýyna 40 qyz-kelinshek qatysyp, ózara baq synady.

Sharaǵa QMDB Astana ókildiginiń bas ımamy Erbolat Nuryldauly arnaıy kelip, jeńimpaz shákirtterdi quttyqtap, qorytyndy sóz sóıledi.

Astana medresesiniń ustazdary qazylyq jasaǵan Quran jarysynyń nátıjesi boıynsha, 10 jasar Bagaýdınqyzy Iasmına bas júldeni ıelenip, Umra qajylyǵyna joldama jeńip aldy. Júldeli I oryndy Ǵalııa Arapbek ıemdenip, 200 myń teńge syıaqy aldy. Al, II oryndy Laýra Imanmadırova jeńip, 100 myń teńgeni qanjyǵasyna baılasa, III orynǵa Sherahan Aınur laıyq dep tanylyp, 50 myń teńgeni enshiledi. Qalǵan barlyq qatysýshylarǵa yntalandyrý syılyqtary úlestirildi.

 

Источник: Aidos