Elordada Ramazannyń ár kúni 2000-nan astam jamaǵatqa aýyzashar beriledi (FOTO)

Búgin Nur-Sultan qalasynda Qazaqstan musylmandary dinı basqarmasynyń Bas keńsesinde qasıetti ramazan aıyna baılanysty ótken baspasóz məslıhatynda Birinshi naıb múftı Naýryzbaı qajy Taǵanuly osylaı dedi.

«Bıylǵy Ramazan aıynda Nur-Sultan qalasynda dástúrli túrde ótkizilip kele jatqan «Muqtajdyń muńyn bólis!», «Meıirimdilik mekeni», «Jaqsylyqta jarysaıyq» atty qaıyrymdylyq aktsııalary úlken kólemde uıymdastyrylatyn bolady. Sondaı-aq, oraza aıt merekesine oraı «Aıttyq bizden bolsyn!» qaıyrymdylyq sharasy ótkiziledi. Alla qalasa, qasıetti ramazan aıynyń ár kúni 2000-nan astam jamaǵat Elorda meshitterinen aýyz ashatyn bolady.

Qala ákimshiliginiń qoldaýy arqasynda taraýıh namazdarynan soń tegin qatynaıtyn avtobýstar da bıylǵy jyly jamaǵattyń alǵysyna bólenetin bolady», – dep atap ótti Birinshi naıb múftı, Nur-Sultan qalasynyń Bas ımamy Naýryzbaı qajy Taǵanuly.