ELORDALYQ MARAFONShY IMAMDAR JÚGIRÝ ShARASYNDA JOǴARY NÁTIJE KÓRSETTI (FOTO)

18 qazan 2025 1316 0 Оqý rejımi

Astana qalasy ókildiginiń úsh birdeı dinı qyzmetkerleri Ázimbek Berikbaıuly, Nurbolat Áýeshan jáne Altynbek Amanjolovtar Almaty qalasynda ótken júgirý marafonyna qatysyp, úzdik nátıje kórsetti.

Aıta ketsek, salaýatty ómir saltyn nasıhattap júrgen din qyzmetkerleri «Áziret Sultan» jáne «Ál-Farabı» meshitterinde eńbek etip keledi.

Astana qalasynyń jáne «Áziret Sultan» meshitiniń Bas ımamy Erbolat Júsipov Ázimbek Berikbaıulyn jetistigimen quttyqtap, salaýatty ómir saltyn nasıhattap júrgeni úshin alǵys bildirdi.

Ortalyq Azııadaǵy eń iri júgirý sharasyna 16 149 adam qatysqan. Olardyń ishinde 60 elden kelgen 1 383 sheteldik jelaıaq bar. Qatysýshylardyń basym bóligi –almatylyqtar (14 785 adam). Degenmen jyl saıyn ózge óńirler men shetelden keletin sportshylardyń úlesi artyp keledi. Shetelden kelip qatysqan úzdik úshtik: Reseı (513 adam), Qyrǵyzstan (180 adam), Qytaı (142 adam).

Endeshe marafonshylarymyzdyń nátıjesimen siz de tanys bolyńyz:

Ázimbek Berikbaıuly – «Áziret Sultan» meshitiniń dinı qyzmetkeri.
21 kılometr qashyqtyqty 2 saǵat, 13 mınýtta júgirip shyqty.
Negizgi berilgen ýaqyt – 3 saǵat.

Áýeshan Nurbolat – «Ál-Farabı» meshitiniń ustazy.
10 kılometr qashyqtyqty 54 mınýtta júgirip shyqty.
Negizgi berilgen ýaqyt – 2 saǵat.

Altynbek Amanjolov – «Ál-Farabı» meshitiniń azanshysy.
10 kılometr qashyqtyqty 57 mınýtta júgirip shyqty.
Negizgi berilgen ýaqyt – 2 saǵat.