ELORDALYQ MUQTAJ OTBASYLARǴA KÓMIR ÚLESTIRILDI (FOTO)

Astana qalasynyń Bas ımamy Erbolat Júsipovtiń qoldaýymen ókildikke qarasty «Zeket jáne qaıyrymdylyq» qory «Jylý syıla» aktsııasyn ótkizip, muqtaj otbasylarǵa 60 tonna kómir úlestirdi.

«Zeket jáne qaıyrymdylyq» qorynyń Astana qalasy ókildigi boıynsha jaýapty mamany Nurbol Orazbaı ıgi istiń basy-qasynda júrip, qaıyrymdylyq is-sharasynyń joǵary deńgeıde ótýine atsalysty.

Qys mezgilinde otyn máselesi áleýmettik jaǵdaıy tómen januıalar úshin asa ózekti. Osyǵan oraı ókildik turmysy tómen otbasylardy qoldap, yzǵarly kúnderde úılerine jylý syılaýdy maqsat etti.

Aktsııa barysynda kómekke zárý dep tanylǵan januıalar qajetti otynmen qamtamasyz etildi. Sondaı-aq qatysýshylarǵa ystyq shaı men baýyrsaq usynylyp, aqjarma tilekter aıtyldy.

Sýretterdi «FOTOGALEREIa» aıdarynan kóre alasyz!

Источник: Aisha