Elordalyq jýrnalısterge aýyzashar berildi (FOTO)

Astana qalasyndaǵy respýblıkalyq «Áziret Sultan» meshitindegi aýyzashar dastarhanynyń bul jolǵy qonaqtary elordalyq jýrnalıster qaýymy boldy. El astanasyndaǵy telearna tilshileri, gazet jáne saıt qyzmetkerleri, baspasóz salasynyń mamandary berekeli Ramazan dastarhanynda bas qosyp, jamaǵatpen birge aýyz ashty.

Qoǵam jaıyn qalammen túzep, el jaǵdaıyn Efırden usynǵan BAQ ókilderiniń qatary sógilmesten Alla úıindegi aýyzaýsharǵa qatysyp, asyl dinimizge qurmet kórsetkenderi kóńil toıdyryp, kóz qýantty. Ilegeni bir teriniń pushpaǵy bolǵandyqtan da, ártúrli qyzmet oryndarynan kelse de, dastarhan basynda órbigen áńgimeniń taqyryby ortaq, taǵylymy mol boldy.

Aıta keteıik, QMDB tóraǵasynyń birinshi orynbasary, naıb múftı, «Áziret Sultan» meshitiniń bas ımamy Naýryzbaı qajy Taǵanulynyń bastamasymen bıylǵy jyly aýyzashar dastarhanynyń qonaqtar sany 800-ge ulǵaıǵan bolatyn. Osy oraıda, qulshylyq ordasynyń oń qanatyndaǵy kireberis pen konferentsııa zalyna da dastarhan jaıylyp, 300 adamdyq oryn osy jerden qosylǵan bolatyn. Sondaı-aq, bas ımam usynysy boıynsha konferentsııa zalyndaǵy 65  adamdyq dastarhan Ramazan aıy boıynsha arnaıy qonaqtar shaqyrylyp, aýyz ashyp keledi. Olardyń qatarynda qazirgi tańǵa deıin zaǵıptar men qulaǵy estimeıtinder qoǵadastyǵynyń músheleri, elordalyq ustazdar men erikti stýdentter qaýymy, sportshylar men dinı qyzmetkerler, dáriger qaýymy, t.b. arnaıy shaqyrylǵan edi.