ELORDANYŃ DIN QYZMETKERLERINE RANT MÚShESI DÁRIS JÚRGIZDI (FOTO)
QMDB Astana qalasy ókildiginiń uıymdastyrýymen «Áziret Sultan» meshitinde Ýaǵyz-nasıhat baǵyty boıynsha RANT múshesi Qýanysh Toqsanbaıulymen dáris ótti.
«Ihsan – rýhanı tárbıe negizi» taqyrybynda órbigen semınarda qatysýshylarǵa ımandylyq pen rýhanı damýdyń mańyzdylyǵy túsindirildi. Dinı qyzmetkerlerdiń kásibı biliktiligin arttyrýǵa, jastarǵa nasıhat júrgizý ádisterin jetildirýge arnalǵan praktıkalyq usynystar men mysaldar qarastyryldy. Qatysýshylar ózderin tolǵandyrǵan suraqtarǵa jaýap alyp, tájirıbelik oı bólisý arqyly bir-birimen pikir almasty.
Kezdesý sońynda dáris júrgizýshisi Qýanysh Toqsanbaıuly qatysýshylarǵa úlken aq batasyn berip, aldaǵy ýaqytta rýhanı tárbıe men ýaǵyz-nasıhat jumystarynyń sapasyn arttyrýǵa shaqyrdy.
