ELORDANYŃ «S» SANATYNDAǴY DIN QYZMETKERLERI EMTIHAN TAPSYRDY (FOTO)
Qazaqstan musylmandary dinı basqarmasynyń bastamasymen respýblıka kóleminde ımamdar men din qyzmetkerleri arasynda biliktilikti arttyrý emtıhandary ótkizilip jatqany belgili. Bul joly Astana qalasy ókildigine qarasty «Áziret Sultan» meshitinde «S» sanatyndaǵy elordalyq din qyzmetkerleri bilimin synaqtan ótkizdi.
Aıta ketsek, buǵan deıin ımamdardyń dinı bilimin jetildirý maqsatynda arnaıy biliktilikti arttyrý kýrsy uıymdastyrylǵan bolatyn. Onda Quran ilimi, fıqh negizderi men sharıǵat ǵylymdary tereńirek túsindirildi. Búgin sol kýrsty támamdaǵan birqatar din qyzmetkerleri alǵan bilimderin synaq tapsyrý arqyly kórsetti.
Emtıhan barysynda qatysýshylarǵa Quran oqý mashyǵy, dinı bilim deńgeıi men jamaǵatpen jumys júrgizýdegi tájirıbesi boıynsha suraqtar qoıyldy. Synaq nátıjeleri ımamdardyń sanattyq dárejesin aıqyndaýǵa negiz bolady.
Emtıhannyń negizgi maqsaty – ımamdardyń dinı bilimin jetildirý, kásibı deńgeıin arttyrý jáne jamaǵatqa sapaly dinı qyzmet kórsetýge jaǵdaı jasaý. Shara sońynda qatysýshylarǵa arnaıy sertıfıkattar tabystaldy.
Источник: Aidos
