«ERIKTILER – QAIYRYMDYLYQ TIREGI» ATTY SEMINAR JUMYSY QAITA JALǴASTY (FOTO)

Búgin Astana qalasyndaǵy «Áziret Sultan» meshitinde «Zeket jáne qaıyrymdylyq» qorynyń Astana qalasy aýdandarynyń dinı qyzmetkerleri men eriktiler tobyna arnalǵan kóshpeli semınary bolyp ótti. Semınarǵa QMDB Astana qalasy ókildigine qarasty meshitterdegi qaıyrymdylyq jumystary baǵytyna jaýapty mamandar men eriktiler tobynyń músheleri qatysyp, tájirıbe jınaqtady.

Semınar barysynda «Zeket jáne qaıyrymdylyq» qorynyń mamandary túrli kórnekilik quraldar arqyly jumys tetigin túsindirip, oń nátıjege jetýdiń joldarymen bólisti.

Aıta keteıik, kóshpeli semınar jumysy ótken aptada da uıymdastyrylyp, Almaty aýdanyndaǵy meshit qyzmetkerleriniń jumysyna tyń serpin bergen bolatyn. Bul jolǵy semınar jumysyna Esil, Baıqońyr jáne Saryarqa aýdandaryndaǵy meshit qyzmetkerleri qatysty.