ERIKTILER TOBY – ABAI OBLYSYNDA (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanulynyń arnaıy tapsyrmasymen «Zeket jáne qaıyrymdylyq» qorynyń «Qaiyrymdylyq jarshylary» eriktiler toby órt bolǵan Abaı oblysynda jedel shtab qurdy.

Tilsiz jaýdan zardap shekken turǵyndarǵa, órtti aýyzdyqtaýǵa kúsh salyp jatqan tótenshe jaǵdaı qyzmetkerlerine qoldaý kórsetý maqsatynda qurylǵan shtab jetekshisi, «Zeket jáne qaıyrymdylyq» qorynyń dırektory Maqsatbek Qaıyrǵalıev búgin Borodýlıha aýylyna bardy.

«Órt bastalǵan kúnnen beri jedel shtab qyzmetkerleri, ıaǵnı eriktiler tobynyń óńirdegi músheleri turǵyndarǵa, zardap shekken azamattarǵa jáne órt sóndirýshilerdi as-sýmen, kerek-jaraqtarmen qamtamasyz etýde. Óńir turǵyndaryna demeý bildirý maqsatynda arnaıy shot ashylǵanyn habarlaımyz» deıdi qor dırektory Maqsatbek Maqsotuly.

Aıta keteıik, Abaı Qunanbaıuly atyndaǵy meshit, Borodýlıha aýdany jáne Ozerkı eldimekeninde qurylǵan 3 shtab úsh kúnnen beri 1500 tonna azyq-túlik úlestirgen. Jalpy sany 156 erikti jedel shtab qyzmetinde júr. 

Eskerte keteıik, tótenshe jaǵdaıǵa baılanysty «Abaı oblysyna shuǵyl kómek» rekvızıtteri tómende kórsetilgen.