Gambııalyq delegatsııa «Áziret Sultan» meshitin zııarat etti (FOTO)

Keshe Astana qalasyndaǵy respýblıkalyq «Áziret Sultan» meshitine bir top delegatsııany Gambııa Respýblıkasynyń Syrty ister mınıstri Mamadý Tangara myrza bastap keldi. Mártebeli meımandar záýlim meshitke bas suǵyp, qulshylyq ordasymen tanysyp qaıtty. Qazaqstan jerine resmı issaparmen at basyn tiregen gambııalyq qonaqtar elimizdiń Bas meshitin kórip qaıtýdy arnaıy nıet etken kórinedi.

Laýazymdy qonaqtardy meshittiń hattamaǵa jaýapty naıb ımamy Baqytjan Ótkelbaev qarsy alyp, qulshylyq ordasynyń qurylysymen jáne tynys-tirshiligimen tanystyrdy. Sheteldik delegattar tipti jamaǵatpen birge asyr namazyn birge oqyp, mınıstr Mamadý Tangara myrza eki eldiń órkendeýi, tynyshtyǵy men dostyǵy jolynda duǵa jasady.