ǴULAMALAR KEŃESINDE QABYLDANǴAN PÁTÝALAR ELORDA IMAMDARYNA TÚSINDIRILDI (FOTO)
Astana ımamdaryna QMDB Ǵulamalar keńesinde qabyldanǵan DNQ máselesi týraly pátýa tanystyryldy. «Áziret Sultan» meshitiniń naıb ımamy, Sharıǵat jáne pátýa bóliminiń Astana qalasy ókildigi boıynsha jaýapty mamany Tamırlan Darhanuly sharıǵı úkimdi jan-jaqty túsindirip ótti.
Kezdesýde DNQ arqyly tekti anyqtaý jaıly QMDB Ǵulamalar keńesiniń ustanymy, qazirgi ǵalymdardyń pikirleri men Islam fıqh akademııasynyń qararlary egjeı-tegjeıli baıandaldy. Sharıǵat boıynsha tekti anyqtaý tórt jolmen júzege asady: balanyń neke arqyly dúnıege kelýi, ákesiniń moıyndaýy, kýálik keltirý jáne qıfa (ákesine uqsaýy).
Sonymen qatar, DNQ taldaýy ǵylymı turǵydan 99,999 paıyzǵa deıin durys nátıje beretindigi aıtyldy. Álemde alty mıllıardtan astam adam bolsa da, árqaısynyń DNQ-sy qaıtalanbaıdy.
Ǵalymdar DNQ-ǵa qatysty eki túrli pikir bildiredi. Bir top ǵalymdar ony naqty dálelge jatqyzbaıdy, sebebi qatelesý yqtımaldyǵy bar. Al ekinshi top ǵalymdar naqty dálel retinde qabyldaıdy.
Islam fıqh akademııasynyń №194 (20/9) qararynda DNQ arqyly tekti anyqtaý tómendegi jaǵdaılarda qoldanylatyny atap ótildi: tegi belgisiz balaǵa eki tarap talasqanda; aýrýhanada nemese áıelder úıinde balalar aýysyp ketkende; tabıǵı apat, soǵys nemese jappaı qaza bolǵan oqıǵalarda múrdelerdiń jeke basyn anyqtaýda; ákesi balaǵa tektik turǵydan talasqan kezde.
Sonymen birge, sharıǵat úkimine sáıkes, tek DNQ nátıjesimen ǵana ákelik moıyndalmaıdy. Negizgi dálel retinde balanyń neke arqyly dúnıege kelýi, ákesiniń moıyndaýy jáne kýágerlerdiń sózi basymdyqqa ıe.
Kezdesý barysynda ımamdarǵa pátýanyń mazmuny túsindirilip, jamaǵatqa jetkizýde saqtyqpen jáne durys túsindirýdiń mańyzy atap ótildi.
ShEShIM: Qajettilikke qaraı DNQ arqyly balanyń tegi anyqtalsa, nátıje negizge alynady. Alaıda eshbir sebepsiz DNQ saraptamasyn júrgizý durys emes.
Источник: Aidos
