Ǵulamalar keńesiniń kezekti májilisi ótti (FOTO)

10 qazan 2019 79 0
Оqý rejımi

Qazaqstan musylmandary dinı basqarmasynyń tóraǵasy, Bas múftı Serikbaı Orazdyń tóraǵalyǵymen Býrabaıda QMDB Ǵulamalar keńesiniń kezekti XXIII májilisi óz jumysyn bastady.

Alqaly jıynǵa QMDB tóraǵasynyń birinshi orynbasary, naıb múftı Naýryzbaı qajy Taǵanuly, naıb múftı Baýyrjan Ábdirashuly, apparat basshysy Ǵylymbek Májıev, QMDB Ǵulamalar keńesiniń hatshysy, Halyqaralyq qatynastar jáne hattama bóliminiń meńgerýshisi Ershat Ońǵarov jáne Ǵulamalar keńesiniń músheleri qatysýda.

Bul qurylym elimizdegi sharıǵat talap-tilekteri jóninde pátýá shyǵaratyn birden-bir qoǵamdyq keńes. Onyń quramyna elimizge tanymal dintanýshy ǵalymdar men ustazdar kiredi.
Búgingi bas qosýda Ǵulamalar keńesiniń quzyryna kiretin keleli máseleler qaralyp jatyr. Bul rette dinı rásimder men dinı laýazymdar tizilimin qarap, basqa da sharıǵı jaılarǵa qatysty QMDB ustanymyn anyqtaý kózdelmek.

Sonymen birge, Dinı basqarma usynǵan Qazaqstan musylmandary "Rýhanı tuǵyrnamasy" jobasy da keńinen talqylanbaq. Dinniń rýhanı qundylyqtaryn zerdelep, ulttyq ıdeıamen oraılastyrý búgingi kúnniń keleli bir máselesi ekeni anyq. Sondaı-aq búgingi jıynda birneshe pátýaǵa sheshim shyǵarý kózdelýde. Odan bólek "Taýhıd" kitabynyń aýdarmasy da talqylanady.

Aıta keteıik, keńestiń otyrysy eki kúnge jalǵasady.

Muftyat.kz

Pіkіrler Kіrý