Qazaqstan musylmandary dinı basqarmasynyń Tóraǵasy, Bas múftı Serikbaı qajy Satybaldyulynyń tóraǵalymen ótken Ǵulamalar keńesiniń HHI májilisiniń ókilderi «Astana» medrese-kolledjiniń shákirtterimen kezdesti.
Alǵashqy kúni Ǵulamalar keńesiniń múshesi, tanymal Islamtanýshy ǵalym, PhD doktor Muqan Isahan shákirttermen kezdesti.
Kezdesý aıasynda M. Isahan zaıyrlyq qaǵıdattary, memleket pen dinniń qatynasy, din adamynyń saýattylyǵy, t.b. taqyryptarda dáris oqyp, óziniń tájirıbelerimen, zertteý jumystarynyń nátıjelerimen bólisti.
Sońynda shákirtter suraq qoıyp, kókeılerinde júrgen, ózderin tolǵandyrǵan máseleler jaıynda tushymdy jaýap aldy.
Atalǵan májilistiń sońǵy kúni QMDB-nyń Atyraý óńiri boıynsha ókili, Ǵulamalar keńesiniń múshesi, belgili ıslamtanýshy ǵalym, PhD doktor Batyrjan Mansurovpen kezdesý ótti.
Ustazdar men shákirtter qatysqan kezdesý aıasynda B. Mansurov bilim alýdyń ózinidik ádis-tásilderi, bilim alýshylardyń tulǵalyq qasıetteri jaıynda sóz qozǵady. Uzaq jyldar din salasynda ár túrli jaýapty qyzmetter atqarǵan Batyrjan qajy jan-jaqty qarym-qabileti bar bilikti maman, mıhrabtyń saýatty ımamy, talantty shákirt tárbıeleıtin ustaz bolýdyń qyr-syry jaıynda da baıandap berdi. Sonymen birge uzaq jyldyq dinı saladaǵy jumys tájirıbesimen bólisip, shákirtterdi tolǵandyrǵan suraqtarǵa jaýap berdi.
Kezdesýlerdi «Astana» medrese-kolledjiniń dırektory Ibrahım qajy Smataev júrgizdi.
Osylaısha, Astana tórinde ótken Ǵulamalar keńesiniń kezekti HHI májilisine qatysqan keńes músheleri shákirtterge de mol rýhanı azyq syılap, ózderiniń baı tájirıbesinen bahra usyndy. Al, shákirtter júreginde «Ylaıym, Alla razy bolsyn» degen alqaýly lepes qaldy.
